كان عندي ورقة وقلم ..

مدخل ..

صعب نلاقي الوفا ..
بدنيا كلها جفا!!

كان عندي ورقة وقلم ..

 

كنت ارسم قلب وسهم ..
واكتب داخله أمي وبس ..

كنت ارسم سما تعتليها سحاب ،،

وزينتها بقطرات المطر ,,


وفوق هذي السحاب ..


اكتب اسم أبوي الشهم ..

كنت ارسم ورود ،،
ومن حولها ترفرف فراش ..
واكتب فوقها وردة لـ هبه ..
و وردة لـ حنين ..
و أحلى وردة لـ دلال ...

وكنت ارسم نجوم واكتب عليها ،،الغاليوون واقصد بها الغاليين !!
عمتي وخالتي وبناتهم الطيبين ..

كنت ارسم ..وكنت اكتب..
وكنت اعبر ..

والمصيبة يوم كبرت ..

صرت ارسم ..!
هالعيون ومنها تذرف دموع ؟؟
واكتب بجنبها ..
وفيّة يا هالدموع !!

صرت ارسم صحاري خالية من الخيام..
بس ارسم بــير واحد والكل من حوله صيام!!

صرت ارسم قلوب ،،
وزينتها بغدر الخناجر !!

خنجر قريب..
خنجر حبيب..
خنجر صديق ..

واكتب تحت هذي القلوب ..
طعنات ابد ما توقعتها!!

صرت ارسم ظلام ،،بس القمر في السما !!
نوره ضعيف ما يبان ..
واكتب تحت القمر ،،
العين ترفض تناآإم!!

صرت ارسم ورود جفت من كثر الضما..
واكتب تحت الورود ماتت من كثر الجفا!!

صرت ارسم ..
صرت اكتب ..
صرت اعبر ؟!
بس حسافة ماهو مثل ذاك الزمان ..

و اشتقت يوم لدفتري الوردي اللي بشنطتي ،،
مكتوب عليه بالغلاف ..
ذكريات طفولتي !!

وجات البراءة بحاضري ،،
وقمت اقلب أوراقها ..

وأنا ابتسم وأقول
الله يا شين الخطوط ..

وجلست أمتع ناظري ،،
لأحلى سنين مرت عليّ ..

فجأة لقيت ..
وش لقيت
تصدقون !!
لقيت صفحات تمزقت ؟!

أتمزقت رسمة ورودي!!
ومعها ذيك النجوم!!

وما بقي إلا رسمتين !!

القلب اللي أمي بداخله ..
والسحب اللي اعتلاها ابوي ،،

هذي حقيقة واقعي..
كل السنين اللي تروح !!
وكل السنين اللي تجي؟؟

بهديها فدوة لهم ..
أمي وأبوي
ولا غيرهم ؟!
هم بس اللي معي وفو .

مخرج
بقلب امي وابوي
مافي ضما.
مافي طعن .
مافي جفا.

كله حنان
كله وفا
كله عطا