تصدِّق !! كل مافيني تبعثر لاطراك انسان

كتمت شهـــــــــــور [أحبك] وأدري بك لها ضميان..

حياي أجبرني أكتمها إلين الله يفرجها

[ أحبك ] ليتها منِّك ..!! تداوي خاطري الشقيان..

وتحملني على كف الوله والروح تسعدها

تصدِّق !! كل مافيني تبعثر لاطراك انسان

وتصبح حالتي حاله .. وربك كان يسترها

أنا احيي الليل بطيوفك..وأغنيلك بكل الحان

وأطلب ربي توصلِّك من ألحاني مشاعرها

أبي وسط الملى [ اصرخ ] ويملى صوتي الاركان

[ أحبك ] يابعد حيي بأعلى الصوت اردِّدهــا

تركت الكل واخترتك [ حبيبي ] سيِّد العربان

لاني شفت في حُبك من الاخلاق أسماهــــا

سكونك حيل يعجبني..ويتعب قلبي الكتمان..

وسبحان الذي أعطاك من الاوصاف أجملهــا

ولامنَّه طرى اسمي على لسانك أظل فرحان

ولامنِّك مدحت أخلاقي تخجلني "فدت هالروح مادحها"

تظل بعيد .. وفي قلبي .. أقرب لي من الشريان

وكل نبضه تذكرنِّي بـ روحك " ربي يحميها "

أنا واياك ابحرنا.. وابعدنا عن الشطئان

بـ قارب تجدفه بـيدك فـ سفره صعب ننهيها

ولااسال وين ماخذني .. ومبعدني عن الاخوان

لاني حيـــــــل( آآآاحبك ) وعيني الحب عاميهــا

دخيلك ..؟؟ تابع الرحله .. وخل لحبنا عنوان

قلوبٍ صادقه تثمر من الايام أحلاهــــــا